Urdu Shyari - Urdu Ghazal - Ghazal KAFILAAZAR

Dekh lo khwab magar khwab ka charcha na karo
Log jal jayenge Suraj ki tamanna na karo

Waqt ka kya hai kisi pal bhi badal sakta hai
Ho sake tum se to tum mujh pe bharosa na karo

Ajnabi lagne lage khud tumhe apna hi wajood
Apne din raat ko itna bhi akela na karo

Khwab bacchon ke khilone ki tarah hote hain
Khwab dekha na karo khwab dikhaya na karo

Be khyali me kabhi unglyan jal jayengi
Rakh guzre hue lamho ki kureda na karo

Mom ke rishte hai garmi se pighal jayenge
Dhoop ke shahar me AAZAR ye tamasha na karo