Urdu Shayari,Urdu Sher,Shayari

Maine mana ki mohabbat hai moqaddas jazba
Aur is jazbe ne farhad kiye hain paida
Maine mana ki zamane me mohabbat ke beghair
koi bhi qais na sahra me bhatak sakta tha

Mere mahboob ye sab kuch hai magar ye bhi to soch
Un ke mahol ne kab milne diya tha un ko
Un ka jazba bhi moqaddas tha hamari tarah
Phir bhi duniya ne pareshan kiya tha unko

Qaid hian hum bhi rewayat ki zanjeero me
Aur mahol ka hum par bhi kada pahra hai
Unka mahol bhi andha tha gunaho ki tarah
apna mahol bhi patthar ki tarah bahra hai

Wo to mahol se takra gay the lekin
hum to mahol ka shikwa bhi nahi kar sakte
khudkushi jurm hai tasleem magar un ki tarah
Hum bhi aye kaash mohabbat ke liye mar sakte